حبيبة بتسال شعر انيس الزغبى

الارض شرقانة وزعلانة


من اللى هجروها سنين                                            
بتسال
فين فلاحينى
فين محبينى
اللى تعبت وشقيت
وزرعت وقلعت
درة وبساتين
وغزلت لى توب اخضر
لبساه بقالى سنين
التوب خلاص انتهى
والتوتة ام التوت
خلاص بقت نبوت
بعد ماكانت
فروعها شمال ويمين
وعامله ضلايه على التايه
وساعة الربيع تطرح
توتة بيضه وسمرة
وحمرة لون الخدين
والصفصافة الخضرة
ام الجدايل بتتمايل
على الجنبين
تلعب مع النسمة
وهيه مبتسمة
وتبص من العالى
على الطوالى
شمال ويمين
ع اللى محنى وسطة
اليوم بطولة
وفى ايده فاسه
بتخضر وراها الطين
ولما يرجع للضله فى القياله
تفرد شعورها
ويبان سرورها
للى ايديه مخضبة بالطين
تقول له مرحب
وتتمسطب
لاجل مايقعدعليها يسند
ظهره ساعة والا اتنين
فيها ياكل لقمتة
من صرتة
اللى مغمسه بالعرق
ويشرب ميه من البراده
بكل سعادة
ساقعه ومرطبة
ومغطاية بالبرسيم
سالتة عن اسمه
قال لى صابر
وابن صابر
بس اسمىمحمدين
قلت له ليه كل ده
قال نفسى اكل لقمتى من زرعتى
واكل حبايبى وقرايبى
من ضربه فاسى وملاسى
واروى شراقى الارض بدموعى
وسويها بضلوعى
ورجع صوت السواقى
تحكى مشوار العطش
وترجع تغنى
ومعاها يغنى الولد
ياليل يا عين
وترجع ليالى  القمر
ومعاها يحلى السهر
والقعده ع البجامون
وامشى على الطوال
ابص على الحوال
وغنى بالموال
والميه تردد غنوتى
والزرع يقول الله
الله عليها ايام
نفسى تعود تانى
وابعد عن البرانى
وازرع الغله وارعاها
ولما تروح القاها
ماليه عليه الدار
زرعه وراها زرعه
فرحه وراها فرحه
لما تروح الزرعه
وتملا البيوت بالخير
اه والف اه يا فقير
قلبى عليك بيتقطع
والافنديه بتتمطع
وسايبينك مع الطوابير
تاكل من  زرع جون وبلير
الخواجه بقى يزرع ويبيع لنا بالدين
عجبيييييييييييييييييييييييييييييييييييييي

فنااااااااااااااااااااااااااااااااااااااااااااااان