طلب قطعية شعر انيس الزغبى

اسمع كلامى ياجزار
حلفت عمرى مااجي  لك
لكنى غلطت وجيت
العيال خلاص انتهت
من كتر اكل الزيت
همه كلمتين
حته واحدة مش حتتين
كلام احمر دسم وسمين
مش مشغت
ولا جلد على مصارين
كنت  عاوز منك طلب
اطلب ياعم حسين
عضمتين ويكونو ملحوسين
هى دى الحكاية
افتكرتك عاوز زند
واللا م الفخاد اتنين
يابنى بلاش تريأه
وحس بالجعانين
هوه معتش تقى
ولا رحمة بالبنى ادمين
العيال خلاص هوهوت
والجوع كواها سنين
عيب عليك اختشى
ادينى ياله الطلب
بس اوعك ضميرك صحى
وتعملى انك تقى
وتنضفهم بزمة ودين
حاااااااضر ياعم حسين











فنااااااااااااااااااااااااااااااااان