نفسي أبنيك

موضوع: نفسي أبنيك 7/11/2011, 6:30 pm

نفسي أبنيك
شعر أنيس الزغبي

نفسي أبنيك

و أنت مبنيه

و جمل بناك

و الأحلى في عينيه

و احول ترابك

تبر في اديه

و ازين جدارك

بغزل عمالك

و من حريرك

اعمل لك كام جلابية

واحده لأحلى صباح

شفته بعنيه

التانية لساعة ضحى

و التالتة للعصرية

و الرابعة لما يجي الليل

و تغمض عيون الشمس

و الساعة تكون مغربية

و اشوفك عروس

بلون الشمس

و شعاعك دهب

طبيعي مش مصنعية

و لو بايدي كل لحظة

البسك توب مطرز بالدهب

و اخيطه برموشي و عينيه

يا بلدي يا بلدي يا بلدي

يا غنوة حلوة

على لسان العيال الشقيانين

العمال الأرزقيه و الفلاحين

بحبك يا بلدي بحبك يا بلدي

فناااان

موضوع: رد: نفسي أبنيك 5/11/2016, 11:48 pm

جميلة جميلة جميلة
ومن التعبيرات التى اعجبتنى
و تغمض عيون الشمس

» يبكى على نفسي