ده طبق رئيسي ينفع جدا للعزومات كمان وسهل نبتدي مع بعض
المقادير (دي ل 8 افراد)
كيس رز مصري عادي
2 كيلو لحم مكعبات متوسطه
8 بصلات مفرومه
4 معالق سمن
ربع كوب زيت نباتي
فلفل_ملح-توابل لحم -قايل من الحبهان (اختياري)
مكسرات وزبيب مشوح في معلقه سمن (متشوح كويس جدا وملسوع علي خفيف)
ماء
الطريقه, في حله المونيا تسخن 2 معلقه كبيره من السمن وعلي نار عاليه يشوح اللحم المغسول (والمصفي) مع قليل من الحبهان حتي تبداء الميه اللي في اللحم بالخروج وننتظر حتي يتبخر كل الماء ويبتدي اللحم في التشويح ويغمق مع التقليب المستمر وتكون الحله مش متغطيه طبعا حتي يصل الي هذا اللون
ثما يضاف البصل المفروم زي الصوره
ونغطي الحله 10 دقايق ونخلي النار وسط وبعد كده نقلب ونضيف 3 اكواب ماء من الحنفيه. ونغطي تاني ونتركها من ساعه ونص الي ساعتين ونص تلاته حسب مايحتاج اللحم لغايه مايستوي (مع مراقبتها والتقليب كل نص ساعه) ولو احتاجت ماء نزود. وقبل ما تستوي بساعه نضيف يهارات اللحمه والملح والفلفل الاسود ناخد منها الصوص ونفصله لوحده علشان هنستخدمه بعدين بس نسيب فيها شويه.
بالنسبه للرز نحط معلقتين سمن كبار علي ربع كوب زيت في الحله ونشوح نص كميه الرز علي نار عاليه (طبعا يكون ناشف مش مبلول) لغايه مايبقه بني فاتح مع التقايب المستمر (بتاخد تقريبا ربع ساعه)
وبعد كده بنضيق النص التاني ونقلب ونغمره بالماء لغايه ما تبقه الميه فوق الرز ب 2 سانتي نضيف الملح ) ونغطي وبعد 3 دقايق نخفف النار جدا لغايه مابستوي الرز مع تقليبه في النص. وبعد مايستوي نقلبه و نسيبه 10 دقايق وبعدين نقلب فيه الصوص اللي اخدناه من اللحم كده
وبعدين نغرفه ونحط فوقه المكسرات والزبيب (المشوحين حلو قوي والزبيب بحبه حتي ملسوع علي خفيف) وبعدين اللحمه وبالهنا والشفا.جربوه وقولولي.ماتنسونيش في الدعاء.
28/8/2011, 12:56 am