جلاش بحشوه السجق الاسكندران
[URL="http://forums.fatakat.com/thread1767537"]جلاش بحشوه خليط من الجبن[/URL]وصفه سهله وتغيير طعم بدل الجلاش اللى باللحم المفروم الاول هنعمل السجق الاسكندرانى
المقادير
نصف كيلو سجق
فصوص توم مبشوره
بصل مبشور
نص معلقه سمن
فلفل اخضر مقطع رفيع
طمطمايه وقطعه رفيع
الطريقه
فى مقلايه على النار هنحط السمن والبصل والفلف والتوم تقليبه ونضيف السجق بعد مانكون قطعناه حلقات رفيعه
زى كده
تقلبى 5 دقايق كده وبعدين تضيفى الطماطم وتغطيها خمس دقايق كمان
تظبطيها ملح لو احتاجت لانه مرات بيكون ملحه مظبوط اوى وبيكون سبايسى انتى شوفى وحسب رغبتك بعد كده هتلاقى شكل
على فكره ممكن تاكليه كده ساندويتشات مع سلطه طحينه بيبقى رائع جدااااا
انا هنا عملته حشوه للجلاش وطبعا احنا عارفين الخطوه دى هندهن الصينيه سمن خفيف ونفرد نص كميه الجلاش ومابين كل راق وراق ندهن سمنه سايحه
بعد كده تضيفى الحشو وتكملى النص التانى بنفس الطريقه كده
]وكده بعد النص التانى
]نيجى للخطوه المهمه واللى بلاحظها دايما على المنتدى لوصفات الجلاش وهو قبل الفرن بتسقيه لبن؟؟
لا يا فتوكه الاول تدخليه الفرن وهو نص سوا تطلعيه تسقيه اللبن وتدخليه الفرن تانى يكمل سواه هتلاقيه ماشاء الله ارتفع كانه كيكه وبقى مورق وجميل جدا جدا جدااااااااا جربى دى على ضمانتى وهتبقى متميزه فيه وهيتطلب منك وطبعا تقطعيه قبل لفرن
وكده بعد اما استوى
لاحظى كده امااستوى من عند التقطيع تحسى انه متفرغ ومش معجن وبالهنا وبالشفا يا فتوكه واوعى تنسى تدعيلى
لجلاش بحشو الجبن
اى جبن تكونى بتحبيها انا حطيت شيدر وحلوم وحبه رومى وحبه موتزريلا يعنى دلعى نفسك كده بالمتاح واللى تحبيه
بنفس الخطوات
نص الجلاش الاول وبين الطبقات ندهن سمن
نحط الحشو كده
وباقى الجلاش ونقطعه ويدخل الفرن نص سوى تضيفى اللبن وترجعيه تانى الفرن وده شكله بعد الفرن
وألف صحه وعافيه