• حاكـم ومحكـوم ظالم ومظلوم أكــــــــل ومهضوم
• حاكم ظلم ونهب وقتل لكن غير وجه الله ما بيدوم
• محكـــــوم ضاع حقه وانتهكت ادميته وعدى اليوم
• ظالــم سجن وعذب وما سال وعيونه مليانه غيوم
• مظلــــــوم اتهان على ارضه واتبهدل فى السجون
• اكـــل سرق مال الناس بافتراس ويامه اكلهم سموم
• مهضوم عاش يعانى جوعه وشكله هيموت محروم
• انـا كتبت ده من غلبى ومش عارف على مين الوم
• حـاكم ولا محكوم ظالم ولا مظلوم اكل ولا مهضوم
• ما بيدى غير اشكى حالى لله الحـــــــــى القيــــــوم
• ده الغلبان لو غلط بيكتب قبل اسمه مرحــــــــــــوم
• ولما اتعرف غلط الظالم حقنا صار غير معلــــــوم
• سقط النظام واتغير الكلام والكوسه هى تــــــــــدوم
• الفلوس طارت حتى لو طارت لازم ننظف ونقــوم
• نبنى مصر ونعمرهــا ونضفها وكل يوم يبقى حموم
• نزرع ونصنع ونصدرويبقى الكل على الخير ملموم
• مش مهم ده شعر ولا كلام واحد عاش مصـــــــدوم
• المهم نقف كلنا للغلط ميبقاش فيه بينه ليه حد خدوم
• احسن ما شبابنا يسبها ونعيش مليانين هـمــــــــــوم
• ومقوتلش سيب حقك لكن متقعدتش عله وتقـــــــــوم
• لو شفت غلطه لازم يكون الكل فى مواجتها قــــدوم
18/5/2011, 6:27 pm