بسم الله الرحمن الرحيم
اليوم جايبه ليكم كيفية صنع المربى في البيت
قبل ما نبدا في عمل المربيات فيه كم نصيحة لازم تعرفيهاعلشان تظبط المربى وتطلع حلوة...
السكر والفواكه
لازم يكون السكر اللي بالمربى نقي خالي من شوائب، و كمان الفواكه تكون طازجة.
إناء الطهي
حاولي إنك تستعملي إناء مستدير سميك من الجوانب.
للتقليب :بلاش تستعملي معلقة معدنية للتقليب وحاولي إنك تستبدليها بمعلقة خشب.
على نار هادية
لازم تذوبي السكر على نار هادئة وتحاولي إنه يدوب على الآخر ..
لابد من اضافة عصير الليمون إليه علشان المربى .. علشان لايكون السكر بالمربى زائد .
أول بأول
احرصي وإنت بتقلبي المربى إنك تشيلي الريم أول بأول وده علشان المربى يكون لونها رايق وصافي.
البرطمان:
بالنسبة للبرطمان اللي هتعبي فيه المربى لازم يكون نظييف وجاف تماما من المياه هو والملعقة اللي هتستخدميها علشان المربى لا تخرب وتعفن.
أحكمي الغلق :
زي ما بيكتبوا على علب المربات لازم تملي البرطمان على الآخر علشان لا يكون فيه حيز يسمح بدخول الهواء، لازم تقفلي الغطاء تمام .
اختبار نضج المربى :
علشان تعرفي إذا كانت المربى استوت ولا لأ؟ فيه حاجة ممكن تعمليها وهي إنك تاخدي معلقة من المربى وتحطيها على طبق جاف وتسيبيها شوية لغاية ما تبرد. وبعد كده تشوفي إذا كانت سميكة ولا لأ.
في التلاجة
بعد ما تبرد المربى عبيها في البرطمان زي ما اتفقنا واحتفظي بيها في الثلاجة.
بس تعالي نشوف طرق عمل أنواع مختلفة من المربى 0
اولا:مربى التين
**********
* المقادير *
كيلو تين
كيلو سكر
عصير ليمونه
ربع معلقة صغيرة مسحوق قرنفل
* الطريقة *
1- أحضري التين واغسليه وقطعيه إلى قطع صغيرة وحطيه في طبق صيني على هيئة طبقات وبين كل طبقة وطبقة ضعي سكر.
2- اتركيه فترة تتراوح من 2 إلى 3 ساعات لغاية ما يخرج كمية المياه اللي موجودة فيه.
3- بعد كده حطيه على نار هادئة مع التقليب لغاية ما تلاقي السكر اللي فيه ذاب خالص.
4- بعد كده ضيفي إليه عصير الليمون وسيبيه على النار لغاية ما يتعقد مع إضافة القرنفل المطحون إليه. وزي ما اتفقنا إنك تشيلي الريم أولا بأول.
5- لما تلاقي المربى استوت شيليها من على النار وسيبيها لغاية ما تبرد وبعد كده عبيها في البرطمانات ودخليها التلاجة.
مربى الفراوله
**********
المقادير:
كوبان فراولة
ملعقتان صغيرتان عصير ليمون
1/2 1 كوب عسل
عبوة من مسحوق البكتين (مادة توجد فى الثمار وخاصة فى التفاح، تتحلل فى المياه المغلية ثم تشكل عند التبخر مادة هلامية)
* الطريقة:
- تخلط الفراولة وعصير الليمون والبكتين فى إناء من الأستنلس أستيل.
- يرفع الإناء فوق النار حتى تمام الغليان، ثم يضاف العسل.
- يترك الخليط للغليان مرة أخرى بعد إضافة العسل مع التقليب من 10- 12 دقيقة.
- ترفع المربى من على النار بعد أن يصبح قوامها مثل الشراب الغليظ ثم تترك لتهدأ وتبرد.
- تعبأ فى برطمان محكم الغلق وتوضع فى الثلاجة.
منقول
19/3/2011, 12:28 pm