زعلان منك يامصر
كلام وواجع
ع المواجع
بس راجع
ع المهيه
هتكفى ايه
ولا ايه ولا ايه
المدارس والدروس
والاكل حاف
ولا الغموس
ولا القميس والجلابيه
ولاجوازة البت ديه
والجنيه راحت عليه
غرقونا وعوموه
يرحم زمان
كان صولجان
والدولار كان جمبه فار
كبر الدولار
بقى سعره نار
اكل الجنيه وداس عليه
ومكفهوش وداس عليه
ناس راتبهم بالملايين
واحنا ياعينى بالملاليم
والحد ادنى الف ومتين
طب همه فين
وسط الغلا
والكهربا والست ميه
اصل هما ولاد زوات
سكر نبات
واحنا الرفات وولاد هفيه
والحد اقصى
ملهوش حدود
ملهوش وجود
كانت عهود
ومن زمان
باشت ف ميه
اوعاك تقرب م الكبير
تبقى حقير
م الفقير عندك كتير
لم الضرايب
واملى الزكايب
واعمل فيه ال انت عاوزه
وبلاش تأرب م الأزيه
والمعاش ف لحظه باش ولاكفاش
وبعد خدمه سنين طويله
يغور ف دهيه ان شالله معاش
طب ليه يامصر ليه يا امى
مع انى عرفك مش غبيه
طب تعالى اقعد معاكى
واسمعينى ولو شويه
لحد امته الغلا هيعض فينا
بحلفك وحياة نبينا
تتوصى بينا
وبلاش اسيه
منا عرفك يامصر
عرفك يا أمى
عرفك ابيه
ومش هفيه
ربتينا وعلتينا
وادتينا وخلتينا
بين البلاد
قوه وزناد
والكل عامل لك حساب
واللى يقرب يجى يجرب
وملهش ديه
بس والله العظيم
وانتى عارفه
انى صادق ف اليمين
مع كبر سنى
بحلف بإنى عايش يتيم
والدمعه فرت من عنيه
1/12/2016, 12:07 pm