جمال باشا المدير العام
محل الاقامة : مصر منشأة نظيف
الجنس :
عدد المساهمات : 410
| موضوع: احنا فى زمن الكلاب 30/1/2013, 7:23 pm | |
| احنا فى زمن الكلاب
شعر جمال الزغبى
احنا فى زمن الكلاب لازم نطاطى لكل واطى ونقفل علينا األف باب لازم نخاف من كل من طلعتله ناب نسمع كلامه تبوس كمامه نعمله يعنى مليون حساب الأمر أمره والنهى نهيه عايشين عشانه وبيعلى شانه لو كان مابينا أو حتى غاب يضحك علينا ومفكرين الضحكه لينا مصدقينه متحملينه لو حتى عاب
أصل احنا دايما متفرقين واحد هنا وواحد هناك وكل واحد مننا مشغول بقوته خايف يفوته يدوب يشوف له لقمتين ويقضى يومه شايل همومه لقمة مراته والعيلين والمدارس والدروس وإن كان ولازم حتة غموس وكفايه يكلو مره واحده أو مرتين
والناس جيرانى وولاد عمامى شايلين إيديهم رغم اللى ليهم ومغمضين مليين بطونهم بتنام جفونهم ومريحين بس بردو الخوف مليهم قفلين عنيهم بيطاطو راسهم للكلاب ومسلمين
يا مصر قومى وارمى الهموم ياولاد عمامى اصحو لكلامى وكفايه نوم كفايه وصمه وكفايه بصمه عبر السنين وتخافو ليه يامسلمين وتخافو مين متسألو الزمن القديم اسألو أيام ما كنا فى رايه واحده متوحدين وأهم من ده كل ده إن احنا كنا من ربنا قريبين
| |
|