عزومة خم سة نجوم شعر انيس الزغبى

يا ولية خلى بالك
شوفى الشيف بيعمل ايه
قاعد يحنس فينا
يطبخ ويدوق قدام عنيننا
وايه وايه
سيدى ياسيدى
اشى ايه واشى معرفش ايه
ولا احنا عارفين
اسم الاكل اللى بيقول عليه
الحلل بتلمع والمطبخ بيلمع
ولا مطبخ سعت   البيه  
عزمت العزم
وقلت لازمن لزم
اعمل عزومة م التلفزيون
عزمت الحبايب والقرايب
وقلت اقعدواياولاد
دلوقت هتشوفوا  
عزومة خمسة نجوم
قعدوا الحبايب والقرايب
وفتحت التلفزيون
بدا الطباخ بلبسه الابهه
اللى اخر منجهه
لابس فى ايده شراب بصوابع
وعلى راسه كيس مقلوب
بدا يششتغل
وكل القعدة مبلمين
ياترى ده مين
هوه ده اللى هيطبخ مستحيلة
ده وزير التلفزيون
لا يا اهبل
هوه عمك يقدر يشغل وزير
ده يدوبك يكون عنده غفير
المهم الحاجة حلوة
خضار طازه ولحمة م الكلوة
لا لا ياعبيط
انت هتزيط
دى لحمة راس
راس ايه همه بياكلوا الكلام ده
دى حتة نقاوه
وحياتك انته
دى الفشة والممبار
والتانية دى المعلاق
طول عمرك غشيم
والا يمكن بهيم
قول لى انت يافهيم
ده عرق الطلب يانكو
والثانيه سمانة و فلتو
عرفت الكلام ده منين
سمعته بيقوله
حفظته على طول
عشان ما كلش غميضى
المهم البوتاجاز اتاد
والعزومة قربت يااولاد
يقطع ويرمى
وعيننا طالعة نازله معاه
ماهو الجوع كافر يا ولداه
هوه ده اللى عمرنا ما كلناه
ولا بادينا لمسناه
عينى علينا
اهو نشوف ونستطعم
ونحكى كلناه فى المطعم
واللى دقته من اللى مادقتوش اطعم
الصيت ولا الغنا
يا له نغسل ادينا ونحمد ربنا
دى اهم حاجة عندنا
مادمنا راضيين برزقنا
وعلى المولى معتمدين
فنااااااااااااااااااااااااااااااااااان