حجر و داير
من شعر العامية لانيس الزغبى
استكترو ا على العيال رزقهم
و جم بقوه يهلبوه
شدو زاد و زواد
و جم من بلاد بعاد يخدوه
هدوا أرضي و عرضي
و بنياني و شجري الأخضر حرقوه
من غير داعي و أنا واعي
و لكن أعمل أيه
دراعي كتفوه
شايف و فاهم كل اللي بيحصل
و حاولوا بلأونطه يغلفوه
أوعك تقول أني سلمت ليهم
من غير مقاومه هم طبعا كمموه
حد عمره يفرط في ولده
أو في شرفه و لا حتى في ورث أبوه
أوعك تصدق مهما قالوا
دول مخططين مخطط بينفذوه
و أزعق و أقول الجرح وافي
أكبر بكتير من اللي سببوه
جرح مؤلم واعر و نافد
و هم قالوا أحسن ريحوه
و حبوا يشيلوا الجرح منك أنت يا امه
و الحكمه عيالك صدقوه
اه يا أم الحبايب يا مجمعا شملنا
آه أمنا من جرحنا قطعوه
عيب عليك يا امه تصدقيهم
و تقولي ليهم اسعفوه
أنا مهما كنت عاصي اسمي ابنك
و الغريب بين عيالك اطردوه
آه يا ناس و آه و آه
أعمل ايه امي ضعفت
و ابويه بإديهم موتوه
يا دين و لازم ينسد عني
أنا يومي و انت يومك حددوه
أنا خلاص المهم أنت
قولي ايه هتعمل لما يجوا يقسموه
عزت علي نفسي و بعيني شايف
ما حد قادر يقولها كلمه اطردوه
لازم تكون عزيمتك قويه
و يدك عفيه لأجل ما تكون ابن ابوه
لم اخوانك في ايدك رباطيه
الموجه جايه عفيه و البحر قالو هينشفوه
اوعك تخاف من قوة كلامهم
هم دايما يحبوا المطاطي و الواطي يسندوه
و يقولوا عليه همام و شامخ
و بليفه سلك يلمعوه
ما انت عارف البير و طبعه
يحبوا دايما الجارف جاره يوقعوه
لأجل ما يجوا هما طبعا
الطيب أحسن و قال يعني بيصلحوه
يا ابن عمي يا ابن ابويه
يا ابن اللي ماعرفش حتى ابوه
شغل دماغك و شوف مصالحك
و اللي في صالحك عمرهم ما هيعملوه
عقلك في راسك و اعرف خلاصك
الحق حقك ليه تسبهم ينهبوه
اضرب بحجرك و اضرب بإيدك
بكره جاي حجرك يقولك مستخبي اقتلوه
الله أكبر الله أكبر
الفجر بيدن قوموا عشان تصلوه
فـاااااااااااااااااااااااااااااااااااااااااااااااا ــان
أنا مش شاعر و لا زجال
أنا بحب اقول فكرتي
و كلام لازم يتقال
25/2/2011, 2:25 pm