مزاجى عال ومدّلّع

مفيش مصنع
مفيش مصنع
وده قرارى مش هرجع
وليه نصرف بقى فلوسنا
فى شىء بيضر مش ينفع

حرمت عيالى من فرخه
ومن فكهه
عشان نكهه
وعمر ما جلنا يوم نشبع

دخّان وعفر ف الهوى
وعيالى مش لاقيه الدّوى
وطول ماسجرتى ف جيوبى
متفرقشى بقى عيوبى
ولا ذنوبى
مزاجى عال ومدّلّع

أسيب زوجتى مع الأولاد يشاكلوها
ان ش الله حتى يكلوها
وأسيب البيت بقى يولّع

مصروف مدارس والدروس
والبت جيّلها العريس
والواد طالع زى أبوه
علبة سجايره
اشمعنا أخوه
وأنا من همهم بخلع

وبتقولولى ان السجارة تجيب بلاوى
و ليه تقولو وتشربوها
وليه تقولوا وتصنعوها
وليه مصنع؟
وليه مصنع؟؟؟