شعر جمال الزغبى
لأ يادنيا لأ لأ لأ
ليه يادنيا عامله الفرق
وراميه همومك فوق الخلق
وتدى لناس على طول على طول
وناس نصيبها معاك مقفول
لأ يادنيا دا مش معقول
متحنى شويه وفكى الخنق
ليه يادنيا عامله الفرق
وراميه همومك فوق الخلق
لأ يادنيا لأ لأ لأ
ناس بفلوسها بتلعب لعب
والعيشه السهله ومفيهاش صعب
وعايشه اليوم بالطول والعرض
ولبسه حرير وبتاكل شهد
وناس مشنوقه وشبعت شنق
ليه يادنيا عامله الفرق
وراميه همومك فوق الخلق
لأ يادنيا لأ لأ لأ
ياسلام يادنيا حالك حال
غاويه العند وشغله البال
وان قلنا يمين بتقولى شمال
وتلاعبينا لعب عيال
غرقتينا فى الاوحال
ولا عمرى شوفتك يوم على حق
ليه يادنيا عامله الفرق
وراميه همومك فوق الخلق
لأ يادنيا لأ لأ لأ
مخلاص يادنيا عرفت أنا طابعك
ومن النهرده خلاص مش تبعك
جوعك عندى محصل شبعك
وان جيتى ورايا وربي لأعاندك
وان بوستى ايديا كمان مش عاوزك
دا انتى خبيثه وعاوزه الحرق
ليه يادنيا عامله الفرق
وراميه همومك فوق الخلق
لأ يادنيا لأ لأ لأ