ياه يامروه

ياه  يامروه  قيلت فى رثاء الحبيبة الغالية  مروه بنت الحبيب الغالى اخى وحبيبى انيس نسأل الله لها الرحمة ونسأله له ولآله الصبر والسلوان









ياه  يامروه ؟





ياه  يامروه
خلاص  مشيتى
وسبتى عمك
سبتى ابوكى 
وسبتى امك
م انتى عارفه
مليش بنات
بس انتى
كنتى بنتى
كنتى احلى 
ما ف حياتى




لسه فاكر
احلى كلمة
كنتى دايما بتقوليها
ازيك ياعمو ياحبيبى
ياه يامروه
يانسمه صافيه
يا موسيقى هاديه
او اذان
يعطى الامان



كنتى الرقيقه
كنتى البريئه
وقلبك حنون
والنظرة منك
تشبع القلب المحروم
بس لو كانت تدوم



كنت دايما
بسأل عليكى
بسأل ايوكى
إدينى مروه
وف كل مره
يقولى سافرت
يقولى نزلت
يقولى نامت
واتمنى صوتك
خلاص سكت
بطلت أسأل
عنك حبيبتى
وقلبى متوغوش عليكى
قلت اجيكى
حددت يوم
وقبل ما يجى الميعاد
داس القدر داس الزناد
ياحسرة القلب الكلوم
إنا لله وإنا اليه راجعون



بسأل الرب الحنون
اللى امره كن فيكون
يخلى قبرك نور على نور
وتبقى من حور العيون