يا مصر ما تزعليش

يا مصر ما تزعليش


***

شعر جمال الزغبي
جمال باشا


***


يا مصر ما تزعليش
هتعدي الازمه ونعيش
بس اهدي ماتبكيش
دموعك غاليه يا سمره
بتلسع قلبي كالجمره
تغور الدنيا يا امي
بس انتي متزليش


***


ادي الحريه عاشوها
من بعد الذل ذاقوها
يارتهم بس فهموها
ويتفهموما يتشكلوش


***


وابو دقن ماشي في سكته
ولاحد قابل خلقتة
فرحان يا خويا بقعدتة
تخرب ما تعمر عزبته
واهم حاجه حاشيته
والباقي دول ما يهمهوش



***

حزب تانى زي اللى فات بس بدقون
والغريبه كان لسه طالع م سجون
والعجيبه عنده شعره م الجنون
واللي زيه للرياسه مينفعوش


***


ياعم لملم هدمتك
اياك فاكرها عزبتك
بلاش تطاوع فرقتك
وان كان لمصر حنان في قلبك
غير طريقه لهجتك
وسبها وارجع دنيتك
احسن هتعبقى اخرتك
زي الى قبلك ما ارتحوش

***