محمود جمعة مراقب عام
محل الاقامة : مصر
الجنس :
عدد المساهمات : 35
| موضوع: لا لمقاطعة الانتخابات 7/6/2012, 10:19 pm | |
| 1: انت هتقاطع ليه ؟ 2: عشان ماينفعش الانتخابات وقانون العزل لم يُفعّل 1: شاركت في الجولة الأولى ؟ 2: أيوه
1: طب شاركت ليه وقانون العزل لم يُفعّل ؟؟ 2: عشان كنت فاكر ان شفيق ممكن مايعيدش ،، ولو هيعيد يبقى واحد من الثوريين هيبقى في الاعادة ، مش بتاع الاخوان
1: طب فرقت ايه ؟؟ ماهم كلهم مرشحين وطالعين من الميدان ،، 2: لا أصل الاخوان باعوا الثورة والثوار وسابونا في محمد محمود ومانزلوش معانا
1: طب ما معظم القوى الثورية سابوا اخواتهم الحازمون في العباسية ومانزلوش معاهم بالعكس قالوا عليهم نزلوا عشان مرشحهم مش في الانتخابات ،، ومع ذلك الحازمون ماقالوش انهم باعوا الثورة وخانوا دماء الشهداء -نحسبهم كذلك ولا نزكيهم على الله-،، وقالوا يمكن اخواتنا شافوا الحل في الصناديق عشان كده سابونا ،،، ليه نازلين دلوقتي ؟؟؟ مانزلتوش معاهم ليه ومطالبهم كانت 1- تفعيل قانون العزل .. 2- الغاء مادة 28 ،،، مانزلتوش ليه ؟؟ 2: ........... 2: طب ليه الاخوان مايعملوش مجلس رئاسي مدني ؟؟ بصراحة لو ماعملوش كده يبقوا باعوا الثورة ودماء الشهداء - نحسبهم كذلك ولا نزكيهم على الله -ومش هننتخبهم وهنسيب شفيق يفوز
1: طب ليه أبو الفتوح وصباحي ماعملوش مجلس رئاسي في الجولة الأولى ؟؟؟ وليه وافقوا عليه بعد ما طلعوا ؟؟؟؟ ومع ذلك ماقولتوش عليهم باعوا الثورة ودماء الشهداء - نحسبهم كذلك ولا نزكيهم على الله - 2: ماشي ياعم ... سيبك من اللي فات ليه مايعملوش مجلس رئاسي ؟؟؟ يضم (البرادعي + أبو الفتوح + صباحي + مرسي ) .. ولو عايز تدخل الشيخ حازم عشان عارف انك بتحبه دخله ياعم مش مشكلة
1: طب وليه نسيب كارت في ايدينا ونروح نلعب في كارت ممكن مانعرفش نتوافق عليه ،، مع ان العسكر بيلعبوا بكل الكروت ؟؟؟ وبعدين انت مش ملاحظ ان البرادعي وابو الفتوح وصباحي كلهم ليهم نفس الفكر ... ليه نعمل مجلس رباعي ندي 3/4 منه لنفس الفكر و1/4 لفكر ،، وباقي الأفكار لا تمثل ؟؟ وبعدين المركب اللي بريسين بتغرق ؟؟ 2: طب وفيها ايه ما الاخوان يتنازلوا شوية
1: طب ماهم اتنازلوا .. اتطلب انهم يعملوا نائب حمدين او ابو الفتوح والآخر يبقى رئيس الوزراء ووافقوا ،، اتطلب منهم صلاحيات محددة للاتنين ووافقوا ... اتطلب منهم ان لجنة الدستور مايبقاش جماعة الاخوان ليها الأكثرية وتبقى متنوعة ووافقوا ،، اتطلب منهم حاجات وتنازلات كتيرة جداً ووافقوا ... وكل مايعملوا تنازل يتطلب منهم تنازل آخر ....... مع اني شايف ان ده ابتزاز ....... وهيفضلوا كده لغاية لما يلاقوا نفسهم رايحين يحكموا ناميبيا 2: طب قول لي هينزلوا ازاي في الميدان لو مرشحهم خسر ؟؟؟
1: انت مش واخد بالك أصلاً انهم بايتين في الميدان من دلوقتي ؟؟ عشان يعملوا ضغط شعبي لعدم تزوير الانتخابات ،،، وأدينا بنلعب بكل الكروت ،،، ليه نخسر كارت مادام نقدر نلعب بيه ونكسب كمان ....... كل أصوات المقاطعين لو اتحطت مع أصوات مرسي ،،،، الثورة هتنجح ،،، على الأقل مش هنتقتل كلنا في الميدان وتتعلق رقابينا فيه ..
ياجماعة اتقوا الله .. دعوا خلافاتنا جانباً لتنتصر الثورة ...
أدركـــــــــــــــوا اللحظــــــــــــــة الفارقـــــــــــــــــة
| |
|
جوجو قلم ماسي
محل الاقامة : المحلة
الجنس :
عدد المساهمات : 33
| موضوع: رد: لا لمقاطعة الانتخابات 7/6/2012, 10:28 pm | |
| | |
|